अहिले सामाजीक संजालमा ह्याजट्याग politiciannepobabyNepal भन्ने एउटा ट्रेन्ड चलाईएको छ । जसमा वर्तमान नेपाली राजनैतिक वृत्तमा सक्रिय विभिन्न शिर्ष तहका नेताहरुका छोराछोरीले बिताईरहेको विलासी जीवनको विरोध गर्न थालिएको छ । विरोधमा Enough is Enough, No Not Again, Stop corruption लगायतका नारासहितका पोष्टर बनाईएको छ ।
politiciannepobabiesNepal केहो ?
politiciannepobabiesNepal बुझ्नलाई ‘नेपो बेबीज’ बुझ्नुपर्छ। ‘नेपो बेबीज’ भन्नाले सामान्यतया नेपोटिज्म अर्थात् पारिवारिक सञ्जाल, शक्ति वा पहुँचको भरमा अघि बढ्ने सन्तान वा नातेदारलाई जनाइन्छ । फिलिपिन्समा ‘Filipino Nepo Babies’ भन्ने शब्द विशेष गरी पछिल्लो दशकमा सामाजिक सञ्जालमा चर्चित भयो । यसले त्यहाँका धनी र शक्तिशाली सम्पन्न परिवारका छोराछोरी, नाति/नातिनी वा नातेदारहरूले मनोरञ्जन, राजनीति, व्यवसाय वा खेलकुदमा पाएको सजिलो प्रवेशलाई औंल्याउँछ । फिलिपिन्समा पुराना राजनैतिक घराना, सेलेब्रिटी परिवार र व्यवसायिक साम्राज्य भएका परिवारका उत्तराधिकारीहरू सार्वजनिक क्षेत्रमै सहजै स्थापित हुँदै गएपछि यो विषय एउटा विशाल अभियानकै रुपमा चलेको थियो ।
सन् २०२२–२०२३ तिर अमेरिकी पत्रिका New York Magazine ले ‘Year of Nepo Baby’ भन्ने आवरण कथा छापेपछि एशियाली मुलुकहरूमा पनि ‘नेपो बेबीज’ को बहस सुरु भयो। त्यसकै प्रभावमा फिलिपिन्सका चर्चित कलाकार, राजनीतिज्ञ र व्यवसायिक परिवारका सन्तानहरूलाई ‘Filipino Nepo Babies’ भनेर सामाजिक सञ्जालमा आलोचना तथा व्यंग्य गर्न थालियो । फिलिपिन्समा कोराजोन अकिनो, फर्डिनान्ड मार्कोस, र अन्य पुराना राजनैतिक घरानाका सन्तानहरू शक्तिशाली पदमा पुग्नु वा मनोरञ्जन क्षेत्रका स्टारहरूको छोराछोरीले सजिलै फिल्म/संगीत क्षेत्रमा अवसर पाउनु यसैसँग जोडिन्छ।
‘Filipino Nepo Babies’ संसारभर एउटा अभियानकै रुपमा चल्नुको कारण समाजमा गहिरो गरी जमेको पारिवारिक वर्चस्व र संरचनागत असमानता हो । त्यहाँ साधारण प्रतिभावान युवाहरूलाई अवसर पाउन निकै संघर्ष गर्नुपर्छ तर विशेष वंश वा परिवारसँग सम्बन्धित व्यक्तिहरूले सजिलै मञ्च पाउँछन्। अहिले सामाजिक सञ्जालमा नेपालो जेन-जी पनि पुस्ताले यो प्रवृत्तिलाई व्यंग्य, आलोचना र बहसमार्फत सतहमा ल्याईरहेका छन् ।
नेपालमा पनि अहिले विभिन्न नेताहरु र नेताहरुको सन्ततीको फोटो राखेर टिकटक र रेडिक्ट मा #politiciannepobabiesNepal ट्रेन्ड चलाईएको छ।
