काठमाडौँ — हनुमानढोका दरबार संरक्षण कार्यक्रमको राजस्व गत आर्थिक वर्षमा उल्लेखनीय रूपमा बढेको छ।
Advertisement
कार्यक्रमका प्रमुख चन्द्रगोपाल प्रधानका अनुसार अघिल्लो आर्थिक वर्ष २०८०/८१ मा १७ करोड ६९ लाख रुपैयाँ आम्दानी भए पनि २०८१/८२ मा यो बढेर १९ करोड ४६ लाख पुगेको छ। यसरी करिब दुई करोड रुपैयाँले राजस्व वृद्धि भएको हो।
पर्यटक आगमनमा पनि वृद्धिदेखिएको छ। अघिल्लो आवमा सार्क मुलुकबाट ४७ हजार ३९९ जना र अन्य देशबाट एक लाख ५३ हजार २६२ जना पर्यटकले दरबार क्षेत्र अवलोकन गरेका थिए। तर, गत आवमा सार्क मुलुकबाट आउनेको संख्या बढेर ५० हजार ५३३ पुगेको छ भने अन्य मुलुकबाट एक लाख ६९ हजार ३९५ पर्यटक पुगेका छन्।
पर्यटक संख्यामा देखिएको यो वृद्धिका कारण आम्दानी बढेको प्रमुख प्रधानले बताए।
