काठमाडौ। २०७१ सालदेखि महिला तथा बालबालिकाको हितमा सक्रिय धरान एकता समाजले यस वर्ष पनि नेपाली हिन्दु महिलाहरुको महान चार्ड हरितालिका तीजको अवसरमा भव्य तीज विशेष कार्यक्रम आयोजना गरेको छ। युवा पिढीमा जागरण र सचेतना मुलक काम गर्ने समाजसेवी सन्नी श्रेष्ठ अध्यक्ष रहेको धरान एकता समाजले धुम्बाराहीको एक पार्टी प्यालेसमा कार्यक्रम सम्पन्न गरेको हो।
एकता समाजका संरक्षक सन्दीप श्रेष्ठको अध्यक्षतामा सम्पन्न कार्यक्रम भव्य भएको थियो । कार्यक्रममा पूर्वमन्त्री सुजाता कोइराला प्रमुख अतिथि थिइन् भने शहरी विकासमन्त्रीकी पत्नी श्रीजना सिंह विशेष अतिथि रहेकी थिइन् । साथै पुर्व वनमन्त्री शंकर भण्डारी, प्रतिनिधि सभा सदस्य डिग बहादुर लिम्बु,प्रदेश सभासदस्य हरि प्रभा खड्गी,कोशी प्रदेश सदस्य मिना श्रेष्ठ,,त्यसैगरी अष्ट्रेलियन व्यवसायी,टोनी, डेभिड,सरोज पुरी र सुजन केसी रहेका थिए ।
त्यस्तै पूर्वमन्त्री, सांसद तथा विभिन्न सामाजिक व्यक्तित्वहरूको समेत उल्लेख्य उपस्थिति रहेको थियो। एक दशकभन्दा लामो समयदेखि भाषा, संस्कृति र परम्पराको संरक्षणका लागि सक्रिय धरान एकता समाजले यसअघि पनि सामाजिक सचेतनामूलक कार्यक्रमहरू गर्दै आएको छ।
साथै बिपन्न तथा निमुखा नागरिकहरुको आवाज बोल्दै समेत आएको छ। हरेक जसो चाडपर्व भव्यताका साथ मनाउने यस सस्थाले यस पटकको तीज विशेष कार्यक्रमलाई “संस्कृति र समुदायलाई जोड्ने माध्यम”को रूपमा हेरेको छ।
