काठमाडौँ। कर्णाली डेभलमेन्ट बैंक घोटाला प्रकरणमा मरिसकेको मान्छेका नाममा पनि मुद्धा दर्ता हुने भएको छ । बैंक घोटाला संलग्न भनी मुद्धा दर्ताको प्रक्रिया अघि बढाइएका मध्ये केहिको मृत्यु भईसकेको पाइएको हो । सिआईबीले कर्णाली डेभलपमेन्ट बैंक घोटाला प्रकरणमा हालै अनुसन्धान सकेको छ ।
बैंक घोटाला प्रकरणमा सीआईबीको प्रतिवेदन अनुसार सञ्चालक समितिका तीन जना अध्यक्ष, ८ जना पदाधिकारीहरू, ४ जना सेयरधनी, ३ जना कार्यकारी अधिकृत, ४२ जना कर्मचारी, ४० जना ऋणी, एक जना मूल्यांकनकर्ता, एक जना नेपाल राष्ट्र बैंकका पूर्व कर्मचारी र ६ जना आन्तरिक तथा बाह्य लेखापरीक्षकलाई प्रतिवादी बनाउनुपर्ने निष्कर्ष निकालिएको छ ।
यस अघि कर्णाली डेभलपमेन्ट बैंक घोटाला प्रकरणमा थप एक जना पक्राउ परेका छन् । बैंकको अरबौ रकम हिनामिना गरेको आरोपमा पशुपति दयाल मिश्र पक्राउ परेका छन् उनी विसं २०६६ सालदेखि ०७५ सालसम्म बैंकको अध्यक्ष थिए ।
भने उनलाई नेपालगञ्जबाट गत बुधबार पक्राउ गरिएको प्रहरीको केन्द्रीय अनुसन्धान ब्यूरो (सीआईबी) ले जनाएको छ। पक्राउ परेका मिश्रमाथि कर्णाली डेभलपमेन्ट बैंकको अरबौ रकम हिनामिना गरेको आरोप लागेको छ । भने प्रहरीको केन्द्रीय अनुसन्धान ब्यूरो (सीआईबी) ले गरेको प्रारम्भीक अनुसन्धानबाट बैंकबाट झण्डै तीन अर्ब रुपैयाँ हिनामिना भएको देखिएको छ ।
