रास्वपा का केन्द्रिय शभापति तथा पुर्व उपप्रधान तथा गृह मन्त्री रवि लामिछाने र रास्वपा का उपशभापति तथा पुर्व श्रम रोजगार तथा सामाजिक सुरक्षा मन्त्री डिपी अर्याल लगायत रास्वपा का नेताहरु बिहिबार विहानै चितवन पुग्नु भएको छ । चितवनको भरतपुर महानगरपालिका वडा न १ मा रहेको मन्दिरको उद्घाटन कार्यक्रम सँगसँगै विभिन्न वडाहरुमा भेलाको लागि उहाँहरुको उपस्थिति भएको निकटतम स्रोतले बताएको छ । उपनिर्वाचनको समय नजिकिदै गर्दा रास्वपाले आफ्ना भुमिकाहरु सक्रिय रुपमा चितवनमा निर्वाह गरिरहेको छ ।
यता प्रधानमन्त्री प्रचण्डले रास्वपालाई पनि सरकारमा ल्याउने प्रयास गरिरहनु भएको छ । रास्वपाले पार्टी सभापति रवि लामिछानेकै नेतृत्वमा सरकार आउने बताएपछि गठबन्धनका दलहरु गैरसांसदलाई मन्त्री बनाउन सहमत भएका छैनन् । तर तत्काल रास्वपा सरकारमा सहभागी नभए पनि उसको भाग सुरक्षित राखिएको नेताहरु बताउँछन् ।नेताहरूका अनुसार रास्वपा सरकारमा सहभागी हुन तयार भएको अवस्थामा अहिले पाएको मन्त्रालय संख्याबाट घट्न माओवादी केन्द्र तयार छ । स्रोतका अनुसार, अहिले भएको भागबण्डामा पनि रास्वपालाई सरकारमा ल्याउनकै लागि माओवादी केन्द्रले ५ र पूर्वप्रधानमन्त्री बाबुराम भट्टराई नेतृत्वको नेसपालाई एक सिट छुट्याएको छ, जुन रास्वपा सरकारमा आउँदा दिइनेछ ।
