दोहा- अरब मुलुक कतारले अमेरिकी राष्ट्रपति डोनाल्ड ट्रम्पलाई एक विलासी जहाज उपहारमा दिँदैछ । कतार भ्रमणमा रहेका ट्रम्पलाई उपहारका रूपमा कतारले एक भव्य विमान दिने तयारी गरेको हो ।
Advertisement
तर यसलाई लिएर अमेरिकी जासुस विभागमा हलचल भएको छ। यो उपहारले अमेरिकामा सुरक्षा चिन्ता बढाएको छ । ट्रम्पका लागि यो उपहार स्वीकार्ने वा नगर्ने दुवै कुरामा समस्या खडा भएको छ।
कतारले ट्रम्पलाई उपहारस्वरूप एक शानदार बोइङ ७४७ जेट विमान दिने प्रस्ताव गरेपछि अमेरिकी जासुसी एजेन्सीहरूमा खलबली मच्चिएको हो ।
अमेरिकास्थित सुरक्षासम्बन्धी विशेषज्ञहरूले यसबारेमा गम्भीर चिन्ता व्यक्त गरेका छन्। उनीहरू भन्छन्, ‘विदेशी सरकारबाट आएका यस्ता उपहारहरूले निगरानी, जासुसी वा सञ्चार प्रणालीमा हस्तक्षेपको खतरा बोकेका हुन्छन् ।’
