आकांक्षा पोखरेल,११३ औँ अन्तर्राष्ट्रिय महिला दिवसको अबसर पारेर लैंगिक हिंसा विरुद्ध कानुनी परामर्श एवम हिंसाको मनोसमाजिक असर तथा न्यूनीकरणका उपाय बिषयक अन्तर्क्रीया कार्यक्रम न्यु लाइफ मिसन नेपालले आयोजना गरेको कार्यक्रम भरतपुर महानगर पालिकाको वडा २ कार्यलय सगं समन्वय गरेर महिला दिवस मनाएको हो।यस कार्यक्रम वडा कार्यलय कै सभाहलमा सम्पन्न भएको थियो भने उक्त कार्यक्रमका प्रमुख अतिथि वडाका पुर्व अध्यक्ष पुर्ण बहादुर श्रेष्ठ,सभापति निसा सिंह परियार,बिशिस्ट अतिथिमा परशुराम पौडेल थिए । वडा स्तरिय आमा समूह लगायतका महिलाहरुको बाक्लो उपस्थितिमा उक्त्त कार्यक्रम सम्पन्न भएको थियो।
अधिवक्ता सरिता तिवारी ज्युले लैंगिक हिंसा विरुद्ध कानुनी परामर्श,हिंसामा असर र न्यूनीकरणका बारेमा बताउनुभएको थियो भने पारु पान्डे शर्मा ज्युले मनोसामाजिक परामर्शको बारेमा व्याख्या गर्नुभएको थियो। सो कार्यक्रममा महिलाहरुले आज सम्म गरेका त्याग सम्झिदै उपस्थित सम्पुर्ण महिलाहरुलाई खादा लगाएर सम्मान गरिएको थियो। कार्यक्रममा महिला हिंसा भईसके पछि महिला माथी पर्ने सामाजिक र मानसिस असर र न्यूनीकरण बारे छलफल समेत गरिएको थियो ।
प्रत्यक बर्ष न्यु लाईफ़ मिसन नेपाल नामक सस्थाले महिला दिवसको अवसर पारेर विभिन्न जनचेतना मुलक कार्यक्रमको आयोजना गर्दै आएको सस्थाका अध्यक्ष निशा सिंह परियारले बताउनु भयो,साथै महिला हिंसा बिरुद्ध आफ्ना आवजाहरुलाई दरो रुपमा उठाउदै आउनु भएको र महिला हिँसा मुक्त समाज निर्माण गर्न पुरुष र महिला जिम्मेवारी भए,मात्रै महिला हिँसा अन्त्य हुन सक्ने साथै पुरुष जागरण पनि उत्तिकै अपरिहार्य रहेको बताए बताउनु भएको छ ।
