काठमाडौँ । रुसले आतंकवादविरुद्धको लडाईमा भारतलाई सहयोग गर्ने आफ्नो प्रतिबद्धता दोहोर्याएको छ । राष्ट्रपति भ्लादिमिर पुटिनले सोमबार प्रधानमन्त्री नरेन्द्र मोदीलाई फोन गरेर पहलगाम आतंकवादी हमलाको निन्दा गरेका छन् ।
विदेश मन्त्रालयका प्रवक्ता रणधीर जयसवालले भने, ‘रुसी राष्ट्रपति भ्लादिमिर पुटिनले प्रधानमन्त्री नरेन्द्र मोदीलाई फोन गरेर भारतको पहलगाममा भएको आतंकवादी हमलाको कडा निन्दा गरेका छन् ।’
उनले निर्दोष मानिसहरूको मृत्युप्रति गहिरो समवेदना व्यक्त गरे । साथै आतंकवाद विरुद्धको लडाईमा भारतलाई पूर्ण सहयोग गर्ने बताएको प्रवक्ता जयसवालले बताएका छन् । जयसवालले भने, ‘पुटिनले यस जघन्य आक्रमणका दोषी र उनीहरूका सहयोगीहरूलाई न्यायको कठघरामा ल्याउनुपर्नेमा जोड दिए ।’ दुवै नेताहरूले भारत-रूस विशेष र विशेषाधिकार प्राप्त रणनीतिक साझेदारीलाई अझ गहिरो बनाउने प्रतिबद्धता दोहोर्याए ।
प्रधानमन्त्रीले विजय दिवसको ८० औं वार्षिकोत्सवमा राष्ट्रपति पुटिनलाई शुभकामना दिए र यस वर्षको अन्त्यमा भारतमा आयोजना हुने वार्षिक शिखर सम्मेलनमा निम्तो दिए ।
यसअघि आइतबार रुसी विदेशमन्त्री सर्गेई लाभरोभले भारत र पाकिस्तानबीच बढ्दो तनावप्रति चिन्ता व्यक्त गरेका थिए । जम्मू कश्मीरको पहलगाममा भएको आतंकवादी हमलापछि भारत र पाकिस्तानबीच तनाव जारी छ । यसैबीच, रुसी विदेशमन्त्रीले दुवै देशलाई संयम अपनाउन र कुनै पनि प्रकारको तनाव बढ्न नदिन अपील गरेका थिए।
अप्रिल २२ मा, जम्मू कश्मीरको पहलगाममा भएको आतंकवादी हमलामा, एक नेपालीसहित २६ जनाको निर्मम हत्या गरेका थिए ।
