सिरहाबाट स्रोत नखुलेको रकमसहित तीन जना पक्राउ परेका छन् । प्रहरीले गत शुक्रबार नै उनीहरूलाई स्रोत नखुलेको रकमसहित पक्राउ गरेको हो । प्रहरीका अनुसार पक्राउ पर्नेमा सप्तरीको राजविराज नगरपालिका १० का ५७ वर्षीय मजित मियाँ, सोही ठाउँ बस्ने वर्ष २८ का मोहम्मद अलाहउद्दिन र २३ वर्षीय अजय चौधरी छन् ।
Advertisement
सखुवानन्कारकट्टी गाउँपालिका ५ बाट पक्राउ परेका उनीहरूको साथबाट स्रोत नखुलेको १४ लाख १९ हजार ८ सय ९० नेपाली र ४ सय भारतीय रुपैयाँ बरामद भएको सिरहा प्रहरीले मंगलबार जानकारी दिएको हो ।
यस्तै, प्रहरीले उनीहरू सबार स ९ प ११६२ नम्बरको मोटरसाइकल र तीन थान मोबाइल पनि नियन्त्रणमा रहेको जनाएको छ । अदालतबाट हुण्डीसम्बन्धी कसुर मुद्दामा ५ दिनको म्याद लिएर यस विषय थप अनुसन्धान कार्य भइरहेको सिरहाका प्रहरी प्रमुख प्रहरी उपरीक्षक रमेश पण्डितले जानकारी दिए ।
