काठमाडौं –  नेपाली राष्ट्रिय क्रिकेट टोली आगामी सोमवार श्रीलंकाबाट स्वदेश फर्कने भएको छ । क्यानडामा भदौ ३१ गतेदेखि सुरु हुने विश्वकप लिग टुको तयारीका लागि श्रीलंका गएको टोली सोमवार फर्कने नेपाल क्रिकेट संघ(क्यान) का प्रवक्ता छुम्बि लामाले बताए ।

Advertisement

‘लिग टु अन्तर्गतको क्यानडा सिरिजको अन्तिम तयारी तथा अभ्यास खेलका लागि श्रीलंका पुगेको टोली २४ गते नेपाल फर्कने तालिका रहेको छ । नेपाल फर्किएको केही दिनमा नै टोली क्यानडाको लागि प्रस्थान गर्नेछ ,’ प्रवक्ता लामाले  बताए ।

टोलीले श्रीलंकामा रहदा लिग टुको तयारी स्वरुप अभ्यास गर्नुका साथै एउटा अभ्यास खेल समेत खेलेको थियो । श्रीलंका डेभलभमेन्टसँग ३ अभ्यास खेल्ने तालिका रहे पनि पहिलो र दोस्रो अभ्यास खेल भारी वर्षाका कारण टस समेत हुन नसकी रद्द भएको थियो । आज भएको तेस्रो अभ्यास खेलमा भने नेपाल ५ विकेटले पराजित भएको थियो ।

टोली स्वदेश फर्किए पछि क्यानडा जाने तालिका रहेको छ । टोलीले क्यानडामा त्रिकोणात्मक ओडिआई तथा टि ट्वान्टी सिरिज खेल्नेछ । खेलतालिका अनुसार भदौ ३१ गतेदेखि असोज १० गतेसम्म त्रिकोणात्मक ओडिआई सिरिज हुनेछ । असोज १२ देखि १७ गते सम्म त्रिकोणात्मक टि ट्वान्टी सिरिज हुनेछ ।

लिग टु अन्तर्गतको त्रिकोणात्मक ओडिआई सिरिजमा नेपाल, क्यानडा र ओमान सहभागी हुनेछन् । नेपालको पहिलो खेल भदौ ३१ मा क्यानडासँग र दोस्रो खेल असोज २ मा ओमानसँग रहेको छ । तेस्रो खेलमा असोज ६ गते क्यानडाको सामना गर्दा असोज ८ गते ओमानसँग खेल्नेछ ।

ओडिआई सकिएको २ दिन पछि सोहि टोलीबीचमा त्रिकोणात्मक टि ट्वान्टी सिरिज हुनेछ । सिरिजको पहिलो खेलमा असोज १२ मा नेपालले घरेलु टोलीको सामना गर्दा दोस्रो खेलमा असोज १३ मा ओमानसँग खेल्नेछ । तेस्रो खेलमा नेपालले असोज १५ मा क्यानडासँग र चौथो खेलमा असोज १६ गते ओमानसँग खेल्नेछ ।

टि ट्वान्टी सिरिज पछि क्यानडासँग नेपालले ओडिआई सिरिज खेल्ने क्यानले जारी बार्षिक क्यालेन्डरमा उल्लेख छ । त्यसपछि लिग टुको अर्को त्रिकोणात्मक सिरिज खेल्न नेपाल अमेरिका जानेछ । अमेरिकामा नेपालले घरेलु टोली र स्कटल्यान्डको सामना गर्नेछ । Source : hamro  khelkud