काठमाडौं- आज भाद्र शुक्ल चतुर्थीको अवसरमा देशभरका गणेश मन्दिरहरूमा विशेष पूजा सम्पन्न हुँदैछ, जससँग गणेशको जन्मोत्सव मनाइँदैछ । गणेशलाई धार्मिक कर्महरूको अग्रपूजाका अधिकार प्राप्त भएको मानिन्छ ।

Advertisement

हरितालिका (तीजको व्रत) पारायण गरी गणेशको व्रत गर्ने परम्परा रहेको छ । भाद्र शुक्ल तृतीयाका दिन सुखद दाम्पत्य जीवन र शान्तिको लागि गणेश पूजाको विधान गणेश पुराणमा उल्लेख गरिएको छ ।

मङ्गल चतुर्थीको रूपमा पनि चिनिने आजको दिन काठमाडौंका अशोकविनायक, चन्द्रविनायक, भक्तपुरका सूर्यविनायक र कमलविनायक लगायतका गणेश मन्दिरहरूमा भक्तजनहरूको भीड लागेको छ । नेवार समुदायले आजको दिनलाई चथा पर्वको रूपमा मनाउँदै, बालबालिकालाई ‘छुस्यामुस्या’ बाँड्ने परम्परा पनि छ ।