काठमाडौं – नेपाल क्रिकेट संघ )क्यान) ले आयोजना गर्न लागेको टी-२० फ्रेञ्चाइज क्रिकेट प्रतियोगिता नेपाल प्रिमियर लिग (एनपिएल)मा पोखरा सर्वाधकि मूल्यमा बिक्री भएको छ । क्यानले आज आठ टोलीको स्वामित्व लिने कम्पनी र मुल्य सार्वजनिक गरेको हो आईपीएल खेल्ने ८ वटा टिममध्ये सबैभन्दा धेरै मूल्य पोखराले पाएको छ। जसलाई नेपाल टी–२० प्रालिले ३ करोड ५७ लाख रुपैयाँमा किनेको छ।
यस्तै, कान्तिपुर पब्लिकेसनले काठमाण्डौंलाई ३ करोड ३३ लाख ३३ हजार ३३९ रुपैयाँमा खरिद गरेको छ भने ३ चितवनलाई चितवन मेडिकल कलेजले १ करोड ७६ लाख १ हजार, विराटनगरलाई एमएडी ड्रिम स्पोर्टस्ले १ करोड ५१ लाख मूल्य तिरेको छ।
यसैगरी लुम्विनीलाई फोर्चुना हेल्थ केयरले १ करोड ८६ लाख ४ रुपैयाँ, जनकपुरलाई ड्रिम स्पोर्टस्ले २ करोड ५ लाख कर्णालीलाई हिमालयन बिल्डर्सले १ करोड ११ लाख ७० हजार, र सुदूरपश्चिमलाई इम्पायर स्पोर्टस्ले १ करोड ६८ लाख ८८ हजार ८८८ रुपैयाँ मूल्य तिरेको क्यानका प्रवक्ता छुम्बी लामाले जनाएका छन । अब क्यानले लिगको टोली घोषणा गरेसँगै खेलाडी आबद्ध गर्ने प्रकिया अघि बढाउनेछ।
एनपिएल आगामी मंसिर १५ देखि पुस ६ सम्म कीर्तिपुरमा हुँदैछ। क्यानको महत्वाकांक्षी परियोजनाको रुपमा प्रतियोगिता आफैँ आयोजना गर्न लागेको हो।
यसअघि क्यानले दुई वर्षअघि नेपाल टी-२० लिग नाममा भारतीय कम्पनीलाई आयोजनाको अधिकार बेचेको थियो। तर लिग निकै विवादित बन्नुका साथै म्याच फिक्सिङको आरोप समेत लागेको थियो ।
