काठमाडौं – हरिवनमा विषालु सर्पले डसेका एक युवकको ज्यान गएको छ । हरिवन नगरपालिका ८ चापिनी निवासी ३५ वर्षीय सागर आले मगरको मृत्यु भएको हो । आले मगरलाई गएराति शौचालय जाने क्रममा गोमन सर्पले डसेपछि उनलाई सर्पदंश उपचार केन्द्र नवलपुर पुर्याइएको थियो तर त्यहाँ उपचार सम्भव नभएपछि जनकपुरतर्फ लैजाँदै गर्दा बाटोमा नै मृत्यु भएको हो ।
Advertisement
गएराति नै सर्पले डसेको भएपनि आज बिहानपख मात्र परिवारले थाहा पाएपछि ढिलो गरी उपचारका लागि ल्याइएकाले समस्या भएको उपचार केन्द्र नवलपुरका अध्यक्ष उद्धव पौडेलले जानकारी दिए ।
