मकवानपुरमा ग्यास बुलेटले कारलाई ठक्कर दिँदा ३ जना गम्भिर घाइते भएका छन् । पूर्वपश्चिम सडक खण्डमा पथलैयाबाट हेटौंडातर्फ आउँदै गरेको भारतीय ग्यास बुलेटले ठक्कर दिएको हो । हेटौंडाबाट रातोमाटेतर्फ जाँदै गरेको ग ३ च ८४४९ नम्बरको कारलाई ठक्कर दिँदा कारमा सवार तीन जना घाइते भएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले बताए ।

Advertisement

ग्यास बुलेटको ठक्करबाट कार चालक जिल्ला स्याङ्जा अर्जुनचौपारी नगरपालिका १ का ३३ वर्षीय चुडाबहादुर बिष्ट, कास्की पोखरा महानगरपालिका ११ का ६३ वर्षीया पुरण श्रेष्ठ, लमजुङ बेंसीसहर नगरपालिका ८ का १७ वर्षीया नेहा राना मगर घाइते भएका हुन् ।उनीहरूलाई उपचारका लागि हेटौंडास्थित सन्चो अस्पताल पठाइएको प्रहरीले जनाएको छ । Source : Terai Online