काठमाडौं । मकवानपुरको सिस्नेरीमा यात्रुवाहक टाटासुमो दुर्घटना हुँदा १० जना घाइते भएका छन् । कुलेखानी-सिस्नेरी-काठमाडौं सडकखण्ड अन्तर्गत इन्द्रसरोवर गाउँपालिका ३ सिस्नेरीमा अनियन्त्रित भइ सुमो पल्टिएको जिल्ला प्रहरी कार्यालय मकवानपुरले जनाएको छ । शनिबार बिहान ७:२० बजे काठमाडौंबाट वीरगन्जतर्फ जाँदै गरेको मधेश प्रदेश ०३-००१ ज ०३६२ नम्बरको सुमो अनियन्त्रित भई सडकको नालामा पल्टिएको प्रहरीले जनाएको छ । दुर्घटनामा चालकसहित १० जना घाइते भएको प्रहरीले जनाएको छ ।

Advertisement

घाइतेमध्ये ३ जना गम्भीर अवस्थामा रहेका र ७ जनाको अवस्था मध्यम रहेको छ । उनीहरूलाई उपचारका लागि काठमाडौं पठाएको छ। प्रहरीका अनुसार घटनास्थल प्रहरी चौकी सिस्नेबाट २ किलोमिटर उत्तरतर्फ रहेको छ ।