काठमाडौँ।  पोर्चुगलमा समुद्रमा डुबेका दुई जना नेपालीमध्ये एकको मृत्यु भएको छ । एक  जना बेपत्ता भएका छन्।

Advertisement

स्थानीय मोन्तिजो नजिकैको समुद्रमा पसेकामध्ये एक जना मृत भेटिएका हुन् भने अर्को जना बेपत्ता भएको बताइएको छ ,

धादिङको नेत्रावती डबजोङ गाउँपालिका–५, कटुञ्जेका ३० वर्षीय धनबहादुर तामाङको मृत्यु भएको  र ३८ वर्षीय टेकबहादुर तामाङ बेपत्ता छन् ।

धनबहादुरको शव हिजो समुद्रमा फेला परेको  थियो  भने टेकबहादुर बेपत्ता रहेका  छन् । उनीहरुसहित चार जना समुद्री जीवको खोजीमा समुद्रमा पसेका थिए ।

धनबहादुर गत वर्ष फ्रान्स हुँदै पोर्चुगल पुगेका थिए भने टेकबहादुर पनि १८ दिनअघि मात्रै पोर्चुगल गएका हुन् । उनीहरु दुवैजना नाताले काकाभतिज रहेको बुझिएको छ ।