काठमाडौँ। संवैधानिक परिषदको बैठक बसिरहेको छ । प्रधानमन्त्रीको सरकारी निवास बालुवाटारमा जारी बैठकमा रिक्त रहेका संवैधानिक पदहरूमा नियुक्तिबारे छलफल भइरहेको छ ।
आजको बैठकले महालेखा परीक्षकको नियुक्तिका लागि राष्ट्रपति समक्ष सिफारिस गर्नसक्ने बताइएको छ ।
यस्तै, बैठकमा राष्ट्रिय प्राकृतिक स्रोत तथा वित्त आयोग, निर्वाचन आयोगलगायतमा रिक्त पदाधिकारी नियुक्तिका विषयमा पनि छलफल भइरहेको छ ।
१३ वटा संवैधानिक निकायमध्ये अहिले महालेखा परीक्षक, निर्वाचन आयोग र प्राकृतिक श्रोत तथा वित्त आयोगमा एक–एक सदस्य पद रिक्त छन् ।
परिषदको बैठक बस्नु अघि प्रधानमन्त्री पुष्पकमल दाहालले प्रमुख प्रतिपक्ष दल नेपाली कांग्रेसका सभापति शेरबहादुर देउवा र एमाले अध्यक्ष केपी ओलीसँग हिजो साँझ छलफल गरेका थिए ।
प्रधानमन्त्री अध्यक्ष रहने संवैधानिक परिषदमा प्रमुख विपक्षी दलको नेता, प्रधानन्यायाधीश, सभामुख, राष्ट्रियसभाका अध्यक्ष र उपसभामुख सदस्य रहने व्यवस्था छ।
