काठमाडौँ। पूर्वसभामुखसमेत रहेका सत्तारूढ दल नेकपा (माओवादी केन्द्र) का उपाध्यक्ष महरा यसअघि नै पक्राउ पर्नुपर्ने आवाज बलियो बनेको थियो । तर, उनी उम्किन सफल भएका थिए ।
Advertisement
सुनको अवैध तस्करी नियन्त्रण जाँचबुझका लागि गठित आयोगले महरालाई मुद्दा चलाउन सिफारिससहितको प्रतिवेदन बुझाएपछि गृहमन्त्री रवि लामिछानेले महरालाई पक्राउ गर्न निर्देशन दिएका थिए । यसपछि उनी सोमबार बिहान कपिलवस्तुबाट पक्राउ परेका हुन् ।
साउन २ मा ब्रेक-सूमा लुकाएर ल्याइएको ६१ किलो र २०७९ पुसमा भेप (विद्युतीय चुरोट) मा ल्याइएको ९ किलो सुन तस्करीमा महरा, उनका छोरा राहुल, पूर्वउपराष्ट्रपति नन्दबहादुर पुनका छोरा दिपेश पुन र परराष्ट्रविज्ञ जीवन गुरुङसहित मुछिएका छन् ।
