काठमाडौँ। गाउँका मानिसको कुटपिटबाट एक व्यक्तिको मृत्यु भएको छ।
कैलालीको धनगढी उपमहानगरपालिका–८ धनगढी गाउँका मानिसको कुटपिटबाट मृत्यु भएको प्रहरीले बताएको छ। धनगढी गाउँ बस्ने वर्ष ३५ का महेश रानाको ज्यान गएको हो ।
मृतकमाथि सोही गाउँमा गएराति कुटपिट भएको बताइएको छ । कुटपिटपछि घर गएर सुतेका राना बिहान अचेत जस्तो देखिएपछि परिवारले अस्पताल पुर्याउँदा उपचारको क्रममा ज्यान गएको जिल्ला प्रहरी कार्यालयले बताएको छ।
कुटपिट घटनामा संलग्न रहेको आरोपमा प्रहरीले महिला पुरुष गरेर केही व्यक्तिलाई नियन्त्रणमा लिएको छ । यसैगरी, कुटपिट भएको घरलाई सिल गरेर अनुसन्धान गर्ने कार्य भइरहेको छ ।
राति अर्काको घरमा गएको रानामाथि के कति कारणले कुटपिट भएको हो भन्ने विषयमा अनुसन्धान भइरहेको जानकारी दिएको छ। अनुसन्धानपछिमात्रै घटनाबारे सबैकुरा यकिन थाहा हुने उल्लेख गरेका छन्।
