काठमाडौं । आज अपराह्न ३ बजेका लागि बोलाइएको प्रतिनिधिसभाको बैठक स्थगित भएको छ । बैठक आइतबार दिउँसो १ बजेसम्मका लागि सूचना टाँस गरेर स्थगित गरिएको हो ।
Advertisement
सभामुख देवराज घिमिरेले बैठक सहज रुपमा सञ्चालनका लागि विभिन्न दलका प्रमुख सचेतकहरुसँग छलफल गर्नुभएको थियो । तर प्रमुख प्रतिपक्षी दल नेकपा एमालेले प्रधानमन्त्री प्रचण्डले राजीनामा नदिएसम्म बैठक चल्न नदिने अडान लिएपछि बैठक सारिएको हो ।
गत मंगलबार भारतीय मूलका नेपाली व्यवसायी प्रितम सिंहको पुस्तक विमोचन कार्यक्रममा प्रधानमन्त्री प्रचण्डले दिएको अभिव्यक्तिलाई लिएर एमालेले राजीनामा माग गर्दै संसद्मा अवरोध गर्दै आइरहेको छ । संसद्को अवरोध हटाउन सभामुख घिमिरेले आज विभिन्न चरणमा छलफल गर्नुभएको थियो ।
राष्ट्रियसभाको बैठक पनि एमालेकै अवरोधका कारण आइतबारसम्मलाई स्थगित भएको छ ।
