काठमाडाैं । अमेरिकाका राष्ट्रपति जो बाइडनले पुनः चुनाव लड्ने घोषणा मंगलवार गर्नु भएको छ । एउटा भिडियो जारी गर्दै उहाँले अर्को वर्ष रिपब्लिकन अतिवादसँग लड्ने बताउनु भयो अनि अमेरिकाको आत्मालाई पुनः स्थापना गर्नका लागि आफूलाई थप समय चाहिएको बताउनु भयो।
Advertisement
‘चार वर्षअघि राष्ट्रपति पदमा लड्दा मैले अमेरिकाको आत्माका लागि लडाइँको कुरा झिकेको थिएँ,’ उहाँले बताउनु भयो, ‘हामी अझै लडाइँमै छौं ।’ बाइडन अहिले नै अमेरिकाका सबभन्दा वृद्ध राष्ट्रपति हुनुहुन्छ । सन् २०२४ मा उहाँको प्रतिस्पर्धा सम्भवतः पुनः एकपटक डोनल्ड ट्रम्पसँगै हुनेछ ।
