काठमाडौँ । दृष्य प्रदूषण नियन्त्रण अभियान अन्तर्गत काठमाडौँ महानगरपालिकाले राजधानीका विभिन्न क्षेत्रमा तार व्यवस्थापन तथा अव्यवस्थित विज्ञापन सामग्री हटाउने अभियानलाई तीव्र बनाएको छ । यसै क्रममा आज शेयर मार्केट क्षेत्र पुतलीसडक र थापाथली क्षेत्रमा सडक छेउमा अव्यवस्थित रूपमा झुन्डिएका तारहरूको व्यवस्थापन गरिएको छ । साथै, अनियमित रूपमा राखिएका विज्ञापन थान (ब्यानर/होर्डिङ) हरूलाई समेत हटाइएको छ ।

Advertisement

त्यस्तै, काठमाडौँ महानगरपालिका–१ अन्तर्गत नबिल बैंक अगाडिको क्षेत्रमा पनि तार व्यवस्थापन कार्य भइरहेको छ । महानगर प्रहरी बलको सक्रिय सहभागितामा सञ्चालन भइरहेको यस अभियानले शहरको सौन्दर्य बढाउनुका साथै सुरक्षित र व्यवस्थित वातावरण कायम गर्न सहयोग पुग्ने विश्वास गरिएको छ । महानगरले आगामी दिनमा पनि यस्ता अभियानलाई निरन्तरता दिने जनाएको छ ।