काठमाडौं । ललितपुर महानगरपालिकाले बिहीबारदेखि वातावरण प्रहरी एम्बुलेन्स संचालनमा ल्याएको छ ।महानगरका मेयर चिरीबाबु महर्जनले एक विशेष कार्यक्रमका बिच उक्त एम्बुलेन्सको शुभारम्भ गरेका हुन् ।
कार्यक्रममा मेयर महर्जनले ललितपुरको पार्टन दरबार क्षेत्र, पुल्चोक र जाउलाखेल लगाएतका क्षेत्रमा ‘नो स्मोकिङ जोन’ व्यवस्थापन गरेको बताए ।
उनले पाटन दरबार क्षेत्र, पुल्चोक र जाउलाखेल लगायतका क्षेत्रमा ‘नो स्मोकिङ जोन’ व्यवस्थापन गरेकाले यस क्षेत्रमा कसैले धुम्रपान गर्यो भने बातावरण प्रहरीले कारवाही गर्ने बताए ।
उले भने, ‘ललितपुर महानगरको धेरै ठाउँमा जस्तै–पाटन दरबार क्षेत्र, पुल्चोक र जाउलाखेललगायतका क्षेत्रमा ‘नो स्मोकिङ जोन व्यवस्थापन गर्यौं । त्यसको नियमित अनुगमनका लागि वातावरण प्रहरीको जरुरत थियो । आजबाट सुरु भएको यो कामलाई हिजोको भन्दा बढिनै रफ्तारमा यसको अनुगमन हुनेछ । त्यस्तै नयाँ अफियानमार्फ ललितपुर महानगर हरियाली पनि भएको छ ।’
महानगरले लगाएका रुख बिरुवामा कुनैपनि किसिमको आँच पुर्याइयो भने वाताबरण प्रहरीले कारवाही गर्ने उनले बताए ।
सडकमा अत्यधिक धुँवा फाल्ने सवारी साधन र मापदण्ड विपरीत सञ्चालित उद्योगहरूको समेत यसै भ्यानमार्फत नियमित अनुगमन गरिने महानगरले जनाएको छ ।
वातावरण प्रहरीले जथाभावी फोहोर फाल्ने, ध्वनि प्रदूषण गर्ने र सडक किनारका रुखबिरुवामा क्षति पु¥याउनेहरूमाथि तत्काल कारबाही गर्नेछ । सहरको कुरुपतालाई बढावा दिने अव्यवस्थित विज्ञापन तथा पोस्टर टाँस्ने कार्यलाई पनि अब कडाइका साथ नियन्त्रण गरिनेछ ।
