काठमाडौं। प्रधानमन्त्री केपी शर्मा ओलीसहित प्रमुख तीन दलका शीर्ष नेताहरूबीच भेटका लागि आज पनि समय तय भएको छ। यसअघि दुई पटक समय निर्धारण हुँदै स्थगित हुँदै आइरहेको बैठक आज २ बजे बस्दैछ।
Advertisement
प्रधानमन्त्रीको सचिवालयको अनुसार बैठक प्रधानमन्त्री तथा मन्त्रिपरिषद्को कार्यालय सिंहदरबार हुनेछ। बैठकमा प्रधानमन्त्री ओली, कांग्रेस सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डलगायत शीर्ष नेताहरू सहभागी हुनेछन्।
तीन नेताबीच सदनको जारी अवरोध, सदनमा पेस भएका विभिन्न विधेयक, समसामयिक गतिविधिलगायत विषयमा छलफल हुने जनाइएको छ । यसअघि बिहीबार र बुधबार पनि बैठकको लागि समय तय भएपनि बस्न सकेको थिएन।
