काठमाडौं। शिक्षामन्त्री रघुजी पन्तले विद्यालय शिक्षा विधेयकको सम्बन्धमा हतारमा टीकाटिप्पणी गर्नु उचित नहुने बताएका छन् ।

Advertisement

संसद् भवन नयाँ बानेश्वरमा सोमबार(आज) सञ्चारकर्मीसँग कुरा गर्दै उनले उपसमितिको प्रतिवेदनमाथि छलफल गर्न बाँकी रहेकाले हतारमा टीकाटिप्पणी गर्नु उचित नहुने बताएका हुन्।

मन्त्री पन्तले विद्यालय शिक्षा विधेयकका अपूर्ण विषयलाई समितिमार्फत पूर्ण गरिने बताए। उपसमितिको प्रतिवेदनमाथि यही ७ गतेदेखि शिक्षा समितिमा छलफल हुने भएकाले हतार गर्न नहुने उनको भनाइ छ।

विद्यालय शिक्षा विधेयक,२०८० सम्बन्धमा गठित उपसमितिले आइतबार(हिजो)शिक्षा, स्वास्थ्य तथा सूचना प्रविधि समितिमा प्रतिवेदन बुझाएको थियो। उपसमितिको प्रतिवेदनमाथि शिक्षक महासंघले असन्तुष्टि जनाइसकेको छ।