काठमाडौँ । सिंहदरबारको उत्तरपूर्वी क्षेत्रमा अहिले सङ्घीय संसद् भवन निर्माणाधीन अवस्थामा छ । २०७६ असोज १ गते तत्कालीन प्रधानमन्त्री केपी शर्मा ओलीले संसद् भवन निर्माणको शिलान्यास गरेका थिए ।
Advertisement
सुरुमा तीन वर्षमा निर्माण सम्पन्न हुने गरी ठेक्का सम्झौता गरिएको यो भवन साढे ५ वर्ष नाघ्दासमेत सम्पन्न हुन सकेको छैन । भवन निर्माण सम्पन्न हुन अझै कम्तीमा एक वर्ष लाग्ने बताइएको छ ।
नेपालको संसद् भवन उद्घाटन भएको १५ महिनापछि अर्थात् २०२० डिसेम्बर १० (२०७७ मंसिर २५) मा भारतको सङ्घीय सदन भवन शिलान्यास भएको थियो । भारतीय नवनिर्मित संसद् भवन सञ्चालनमा आएको २ वर्ष पूरा हुन लागेको छ ।
२०८० जेठ १४ मा भारतीय प्रधानमन्त्री नरेन्द्र मोदीले त्यहाँको नवनिर्मित संसद् भवनको उद्घाटन गरेका थिए ।
