झापा। झापाको कनकाई नगरपालिका–२ सुकेडाँगीमा एक पुरुषले आफ्नै श्रीमतीको खुकुरी प्रहार गरी हत्या गरेका छन्। जिल्ला प्रहरी कार्यालय झापाका अनुसार ३५ वर्षीय कविराज हेमरमले घरेलु विवादको क्रममा ३४ वर्षीया श्रीमती पूजा हेमरमको घाँटीमा खुकुरी प्रहार गरी हत्या गरेका हुन् ।

Advertisement

घटना आइतबार राति करिब ११ बजेर २० मिनेटतिर भएको प्रहरीले जनाएको छ । पारिवारिक झगडापछि सुत्ने कोठामै खुकुरी प्रहार गरी कविराजले पूजा हेमरमको हत्या गरेका थिए।

हत्या गरेपछि फरार भएका कविराजलाई केही समयमै कनकाई नगरपालिका क्षेत्रकै सुरुङ्गा सडकबाट नियन्त्रणमा लिएको प्रहरीको भनाइ छ। शवलाई पोस्टमार्टमका लागि प्रादेशिक अस्पताल भद्रपुरमा राखिएको छ।

घटनाबारे थप अनुसन्धान भइरहेको प्रहरी कार्यालय झापाले जानकारी दिएको छ।