काठमाडौं — भारत–पाकिस्तानबीच बढ्दो युद्ध तनावको विरोधमा मानव अधिकार तथा शान्ति समाजले बिहीबार काठमाडौंको लैनचौरस्थित भारतीय दूतावासअगाडि प्रदर्शन गरेको छ।
Advertisement
‘युद्ध रोक, शान्ति प्रवर्द्धन गर’ नारासहित गरिएको प्रदर्शन समाजका अध्यक्ष कृष्ण पहाडीको नेतृत्वमा भएको हो। पहाडीले भारत–पाक तनावले समग्र दक्षिण एशियामा अस्थिरता ल्याउने भएकाले शान्तिको पक्षमा आवाज उठाइएको बताए।
भारत र पाकिस्तानबीच गाेलाबारी सुरु भएको छ । अहिले भारत र पाकिस्तानले एक अर्कामाथि आक्रमण गरिरहेका छन् ।
