काठमाडौं । रवीन्द्र मिश्रका रुम पार्टनर रहेका शमशेर छुटेपछि मिश्र अहिले जिल्ला प्रहरी परिसर काठमाडौंको हिरासतमा एक्लै छन् ।उनि सँगै हुँदा राणालाई आफूले लेखेका कविताहरु सुनाउँथे, भलाकुसारी गर्ने गरेको बताउछन ।
उनि भन्छन ‘मैले यति धेरै कविता यति छोटो समयमा अहिलेसम्म लेखेको थिइनँ’, मिश्र भन्छन्, ‘तीमध्ये केही यही आन्दोलनसँग सम्बन्धित छन् ।’राणा छुटेसँगै मसँग अहिले कविता सुनाउनलाई समेत साथी छैनन् । र,आफ्नो हिरासत बसाइलाई एक्लै समीक्षा गरिरहेको छु ।
राजावादी विचार राखेकै कारण यत्तिका समयसम्म हिरासतमा रहनु परेको विश्लेषण गरिरहेका मिश्र भन्छन्, ‘मलाई यहाँको बसाइले एउटा कुरा चाहिँ के महसुस गरायो भने विचारभन्दा माथि मित्रता नहुने रहेछ ।’
उनि भन्छन्,यत्तिका समय हिरासतमा रहँदा उनले आफ्ना कयौं पुराना साथीहरु आफूलाई भेट्न आउने अपेक्षा गरेका थिए । पार्टीका नेता, कार्यकर्ता र अरु नयाँ मानिसहरु समेत आइरहँदा ती साथीहरुलाई उनले अझ व्यग्र प्रतिक्षा गरेका थिए । तर,तीमध्ये अधिकांश आएनन् भन्दै गुनासो गर्छन् ।
