काठमाडौँ महानगरपालिकालाई संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृतमाथि भइरहेको छानबिनको स्थिति खुलाएर पठाउन पत्र काटेको छ । फागुन १५ गतेको मितिमा महानगरलाई पत्र लेख्दै मन्त्रालयले प्रमुख प्रशासकीय अधिकृत सरोज गुरागाईंमाथिको कारबाही खुलाएर पठाउन निर्देशन दिएको हो ।
‘प्रस्तुत विषयमा त्यहाँको चलानी नम्बर ४५०, मिति २०८१/०९/२४ गतेको पत्र प्राप्त भई ब्यहोरा अवगत भयो । सो सम्बन्धमा त्यहाँ महानगरपालिकाका प्रमुख प्रशासकीय अधिकृतमाथि भइरहेको छानबिन कार्यको स्थितिबारे स्पष्ट खुलाई पठाइदिनुहुन मिति २०८१/११/१५ को निर्णयानुसार अनुरोध छ,’ मन्त्रालयले लेखेको पत्रमा भनिएको छ ।
महानगरले प्रमुख प्रशासकीय अधिकृत गुरागाईंमाथि छानबिन गर्न पूर्वसचिव शंकरप्रसाद पाण्डे नेतृत्वमा समिति गठन गरेको थियो । तर समितिको प्रतिवेदन सार्वजनिक भएको छैन ।
