काठमाडौं/बिराटनगर ,। स्थापित, दलहरुलाई प्रश्न गरेर उदाएका ‘स्वतन्त्र’हरुबाट पछिल्ला दुई दिनमा सञ्चारकर्मी लक्षित दुई गम्भीर प्रकरणहरु भए ।
दुई वर्षअघि धरानका मतदाताले हर्क साम्पाङलाई कतै विकल्प बनिहाल्छन् कि भनी मेयर जिताए । अचेल उनी आफूलाई कानुनभन्दा माथि ठान्छन्, ‘म नै राज्य हुँ’ शैलीमा प्रस्तुत हुन्छन् ।
पहिलो, चितवनमा, सहकारी ठगीका, आरोपी ,सभापति रवि लामिछानेको सरकारी,वकिलसमक्ष बयान चलिरहँदा रास्वपा कार्यकर्ताबाट सञ्चारकर्मी सन्तोष देउजा आक्रमणमा परे ।
रास्वपा कार्यकर्ताको मुक्का प्रहारबाट जोगिँदै उनी सुरक्षित स्थानतर्फ गए । उनलाई, भेट्न पुगेका सञ्चारकर्मी प्रकाश ज्ञवाली र प्रतिमा सिलवालमाथि समेत लामिछानेको पक्षमा प्रदर्शन गरिरहेकाले दुव्र्यवहार गरे ।
सञ्चारकर्मीविरुद्ध चितवनमा भएको दुर्व्यवहारविरुद्ध प्रश्न उठेलगत्तै रास्वपाले विज्ञप्ति जारी गरेर ‘सञ्चारकर्मीहरुप्रति पार्टी सदैव सम्मान राख्ने र सुरक्षित राख्नुपर्छ भन्नेमा स्पष्ट रहेको’ बतायो । कार्यवाहक प्रवक्ता मनिष झाले पार्टी शुभेच्छुकबाहेक ‘कार्यक्रमलाई
विथोल्ने र हिंसात्मक बनाउने नियतले घुसपैठ भइरहेको’ भन्दै त्यसमा पार्टीको संलग्नता नरहेको जिकिर गरेका छन् । यसपछि रास्वपासँग जोडिएको प्रकरण त तत्काललाई सेलायो,तर तुरुन्तै दोस्रो प्रकरण सुरु भयो पूर्वको धरानमा ।
