काठमाडौँ काठमाडौं महानगरपालिका न्युरोडमा फुटपाथ विस्तार गर्ने निर्णयबाट तत्कालका लागि पछि हटेको छ ।
जनप्रतिनिधिसहित स्थानीयको चर्को विरोध भएपछि महानगरले आगामी मंसिर २ गतेसम्मका लागि फुटपाथ विस्तारको कार्य रोकेको छ । सो अवधिमा फुटपाथ विस्तारबारे अध्ययन गरिने महानगरका प्रवक्ता नवीन मानन्धरले बताए । ‘मंसिर २ गतेसम्म न्युरोडमा फुटपाथ विस्तारको काम रोक्ने निर्णय भएको छ । विज्ञ टोलीले फराकिलो फुटपाथ चाहिने–नचाहिने, त्यसबाट हुने राम्रा–नराम्रा पक्षबारे अध्ययन गर्नेछ । त्यहाँको स्थानीयसँग पनि बुझ्छौं । त्यसपछि मात्र कुनै निर्णयमा पुग्न सकिन्छ’, उनले भने ।
काठमाडौँ महानगरपालिकाको फुटपाथ विस्तारको विवाद समाधान गर्न एक अध्ययन समिति बनाउने सहमति भए संगै मस्न्सिर सम्मको लागि काम रोज्किएको हो काठमाडौँ वडा नम्बर २२ र २३ का वडाध्यक्ष र प्रवक्ता नवीन मानन्धरसहित मेयर बालेन शाह र उपमेयर सुनिता डंगोलबीच सोमबार भएको छलफलमा उक्त सहमति भएको महानगरले जानकारी दिएको छ।
उच्च अदालत पाटनले न्युरोडमा फुटपाथ विस्तार गर्न अन्तरिम आदेश दिएसँगै महानगरले गत बुधबारदेखि काम थालेको थियो । फुटपाथ बढाउँदा सडक साँघुरो हुने र न्युरोडको इतिहास मेटिने भन्दै २२ नम्बर वडाका वडाध्यक्ष चिनीकाजी महर्जनको नेतृत्वमा शुक्रबारदेखि स्थानीयले विरोध प्रदर्शन गरेका हुन् । आन्दोलन चर्किएपछि महानगर पछि हटेको हो । केहि दिनयता काठमाडौं महानगरपालिकाले न्यूरोडमा फुटपाथ बढाउने कार्य थालेपछि वडा नं २२का स्थानीयबासीले विरोध गर्दै आन्दोलन गरिरहेका थिए । अवस्था तनावग्रस्त बन्दै गएपछि मेयर बालेन समेत बसेर छलफल गरिएको थियो जसपश्चात मंसिर २ गतेसम्म काम रोक्ने सहमति भएको हो । अहिले तत्काल काम रोकी उपमेयर सुनिता डंगोलको संयोजकत्वमा समिति बनाउने र उक्त समितिले दिने प्रतिवेदनको आधारमा अघि बढ्ने सहमति भएको काठमाडौँ महानगरपालिका २२ का वडा अध्यक्ष चिनीकाजी महर्जनले बताएका छन् । यसैगरी, वडा नं २४मा फुटपाथ विस्तार भइसकेकाले यसका असरका बारेमा अब अध्ययन गरिने भएको छ । तर नम्बर वडा नं २२ र २३मा सबै वस्तुस्थिति अध्ययन गरेपछि मात्र निचोड आउने र सोहि आधारमा मात्र अघि बढ्ने सहमति भएको हो
