काठमाडौँ । वरिष्ठ पत्रकार भैरव रिसाललाई लाईफ टाइम एचिभ्मेन्ट अवार्ड प्रदान गरिएको छ । राष्ट्रिय डिजिटल मिडिया अवार्ड २०८० अन्तर्गत उहाँलाई मुख्य अवार्ड प्रदान गरिएको हो ।
उमेरले ९६ बर्ष भएरपनि ७० बर्षदेखि पत्रकारितामै क्रियाशिल हुनुभएकोले उहाँलाई अवार्ड प्रदान गरिएको आयोजक संस्था न्युज एक्सप्रेस मिडिया प्रालिका अध्यक्ष मिलनसिं परियारले जानकारी दिनुभयो ।
सम्मानपत्रमा लेखिएको छ, “वि.सं. १९८५ सालमा भक्तपुरको गुण्डुमा जन्मनु भएका तपाई नेपाली पत्रकारिताको धरोहर हुनुहुन्छ, हाम्रो लागि प्रेरणाको श्रोत हुनुहुन्छ । पत्रकारितामा तपाईको आजिवन समपर्णबाट हामी सबै नतमस्तक छौँ ।”
उहाँलाई आयोजक संस्थाका अध्यक्ष परियारसहित प्रतिनिधि सभाकी उपसभामुख इन्दीरा राना, सांसद डा. चन्द्र भण्डारी, अनलाइन टिभी पत्रकार संघका अध्यक्ष जीवन भण्डारी लगायतले अवार्ड प्रदान गर्नु भएको थियो । सो अवसरमा खवरहवका प्रधान सम्पादक अरुण बराललाई डिजिटल मिडिया एडिटर अवार्ड, प्राइम टाइम टिभीका अध्यक्ष तथा जनता जान्न चाहन्छन कार्यक्रमका प्रस्तोता ऋषि धमलालाई डिजिटल मिडिया पपुलर प्रोग्राम अवार्ड, सिधा कुरा जनतासँगका प्रस्तोता विरेन्द्र जैरुलाई जनआवाज डिजिटल मिडिया अवार्ड,
नागरिक दैनिकमा आर्थिक व्युरो प्रमुख दिलीप पौडेललाई शसक्त पत्रकारिता अवार्ड, उकालो अनलाइनकी दिपा दाहाललाई जोखिमपुर्ण पत्रकारिता अवार्ड, रजतपट टिभी कार्यक्रमका प्रस्तोता प्रकाश सुवेदीलाई बरिष्ठ रंग पत्रकारिता अवार्ड,जोखिमपूर्ण फोटो पत्रकारिता अवार्ड प्रकाश तिमिल्सेना, खोज पत्रकारिता अवार्ड युवराज कँडेल सम्पादक, सिधा कुरा अनलाइन,अनुप भट्टराई,चलचित्र पत्रकारिता अवाड,चर्चित डिजिटल मिडिया अवाड कमल सर्गम समय टिभीलाई डिजिटल मिडिया इन्नोभेटिभ अवार्ड, चुरोकुरो अनलाइन टिभीका उमेश सुवेदीलाई डिजिटल मिडिया इथिकल अवार्ड, योहो टिभीका सन्तोष विके थापालाई डिजिटल मिडिया स्कृप्ट अवार्ड प्रदान गरिएको थियो । कार्यक्रममा डिजिटल मिडियामा राम्रा काम गर्ने कुल २५ सञ्चारकर्मी र केही समाजसेवीहरुलाई पनि सम्मान गरिएको थियो ।
