काठमाडौँ। बैतडी जिल्लाको झौलेकमा शुक्रबार बिहान ट्र्याक्टर दुर्घटना हुँदा दुई जनाको मृत्यु भएको छ।
Advertisement
बैतडीको सुर्नयाबाट खोड्पे जाँदै गरेको से २त ३६७८ नम्बरको ट्र्याक्टर जयपृथ्वी राजमार्गको पाटन नगरपालिका– ८ झौलेक मोडमा दुर्घटना हुँदा दुइ जनाको घटनास्थलमै मृत्यु भएको हो ।
दुर्घटनामा दुई जनाको मृत्यु भएको बैतडी जिल्ला प्रहरी कार्यालयका प्रहरी निरीक्षक खेमविक्रम केसीले पुष्टि गर्दै परिचय नखुलेका ट्र्याक्टर चालक र त्यसमा सवार राजेश चौधरी रहेको मृत्यु भएको बताए।
दुर्घटनाग्रस्त ट्रयाक्टर सडकबाट दुई सय मिटर तल खसेको छ । दुर्घटनाको थप विवरण आउन बाकि रहेको प्रहरी निरीक्षक केसीले जानकारी दिए ।
