काठमाडौँ। राष्ट्रिय प्रजातन्त्र पार्टीकी सांसद विना लामाले अर्थमन्त्री वर्षमान पुनले आफ्नो पार्टीलाई विभेद गरेको आरोप लगाएकी छन् ।
आजको प्रतिनिधि सभा बैठकमा विनियोजन विधेयकको सिद्धान्त र प्राथमिकतामाथिको छलफलका क्रममा आफू बोल्ने बेला अर्थमन्त्री बाहिर निस्किएको भन्दै उनले आपत्ति जनाएकी छिन् ।
उपसभामुख रानाले बोल्न समय दिएपछि रोष्ट्रममा पुगेर उनले भनिन्, ‘मैले यहाँ अर्थमन्त्री देखिनँ उहाँ नै नभएपछि कसलाई सुनाउने ? अर्थमन्त्रीलाई बोलाउन पाइयो भने राम्रो हुन्थ्यो । अर्थमन्त्री नहुँदा कसलाई सुनाउने ?’
अर्थमन्त्री पुनले राप्रपामाथि विभेदकारी नीति राखेर बाहिर गएको आरोपसमेत लगाएकी उनलाई उपसभामुख रानाले ‘उहाँ आफ्नो प्रतिनिधि राखेर खाना खान बाहिर जानुभएको छ’ भन्दै बोल्न आग्रह गरिन् । तर लामाले अर्थमन्त्री नहुँदा कसलाई सुनाउने भन्दै नबोल्ने अडान लिएको थिइन्।
