सुजन पाख्रीन
भरतपुर । भरतपुर महानगरपालिकाले सन् २०२४ लाई भ्रमण वर्षका रुपमा मनाउँने घोषण गरे सगैँ भरतपुरमा रौनक छाएको छ। भ्रमण वर्षको औपचारिक उद्घाटन गर्नका लागि सम्माननिय प्रधानमन्त्री पुष्प कमल दाहाल प्रचण्ड आज साझ चितवन प्रस्थान गर्नु भएको छ ।
फागुन १८ गते (मार्च १ तारिख) अर्थात भोली हुने औपचारिक उद्घाटन समाहरोमा सहभागी हुन आज साझँ भरतपुर प्रस्थान गर्नु भएको प्रधानमन्त्री पुष्प कमल दाहाल प्रचण्डलाई विमानस्थलमा भब्य स्वाग समेत गरेको छ । भरतपुर महानगरपालिकाले भ्रमण बर्षको औपचारिक उद्घाटनका लागि नारायनीलाई निकै सिंगार गरेर सझाइएको छ । औपचारिक उद्घाटनका लागि नेकपा एमालेका अध्यक्ष पुर्व प्रधानमन्त्री केपी शर्मा ओली, नेपाली काङ्ग्रेसका सभापती पुर्व प्रधानमन्त्री शेर बहादुर देउवा, रास्वपाका सभापती पुर्व गृहमन्त्री रवी लामीछाने सहीत शिर्ष नेताहरुको सहभागीता रहने छ ।
भ्रमण वर्षमा चितवन आउने पर्यटकका लागि विभिन्न प्याकेजसँगै दुर्लभ पाटेबाघ सहजै देख्न पाइने भएको छ । निकुञ्जले भ्रमण वर्षसँगै आउने पर्यटकका लागि खोरमा बाघ देखाउने व्यवस्था गर्दैछ । निकुञ्जका सूचना अधिकारी गणेश तिवारीका अनुसार भरतपुर महानगरपालिकाको देवनगर रेष्जपोष्ट नजिक दक्षिणकाली मध्यवर्ती सामुदायिक वन क्षेत्रमा खोर निर्माण सम्पन्न गरिएको छ । बाघ हेर्नका लागि मचान निर्माण समेत गरेको छ ।
निकुञ्जले रु ५० लाख खर्च गरेर त्यहाँको वन्यजन्तु उद्धार केन्द्रमा बाघका लागि खोर निर्माण सम्पन्न गरेको छ । सँगै महानगरपालिकाको सहयोगमा मचान र पहुँच सडक निर्माण भएको छ ।
भ्रमण वर्षलाई लक्षित गरी मध्यवर्ती क्षेत्रमा रहेका सामुदायिक वन, बाटुली पोखरी, किङ फिसर ताल र बीस हजारी तालमा सरसफाइको काम भइसकेको छ । भरतपुर भ्रमण वर्षको मुख्य पर्यटकीय गन्तव्य निकुञ्ज हो । निकुञ्जले यहाँ रहेका जिप सफारीको पुराना रुटमा पनि सरसफाइ गरिसकेको छ ।पर्यटकीयस्थलमा नक्सा (म्याप) राख्ने राखीएको छ । निकुञ्जभित्र रहेका ताल, पोखरी र घाँसेमैदानलाई पनि व्यवस्थित बनाएको छ । मेघौली क्षेत्रका सामुदायिक वनका प्रवेशद्वारलाई शृङ्गार गर्ने काम गरिएको छ भने निकुञ्जको मुख्यालय कसरामा सरसफाइ र रङ रोगन गरेर थप आकर्षक बनाइएको छ ।
