काठमाडौं । मुग्लिन नजिक तुइन खोलामा पहिरो गएपछि मुग्लिन-नारायणगढ सडक फेरि अवरूद्ध बनेको छ । जिल्ला प्रहरी कार्यालय चितवनका अनुसार
शनिबार राति साढे ११ बजेबाट पहिरो खसेर बाटो पूरै बन्द भएको हो । बिहान पाँच बजेदेखि पहिरो सफा गर्न सुरू भए पनि पहिरो ठूलो भएका कारण बाटो खुल्न केही समय लाग्ने भरतपुर डिभिजन सडक कार्यालयले जनाएको छ ।

Advertisement

मुग्लिनदेखि लगभग दुई किलो मिटर पर इच्छाकामना गाउँपालिका ५ मा पर्ने तुइन खोला नजिक बुधबार रातिदेखि नै ढुंगा खस्न सुरू भएको थियो । बिहीबार दिउँसो ठूलै पहिरो खसेपछि लगातार २८ घन्टासम्म बाटो थुनिएको थियो । शनिबार आंशिक खुलेको सडक फेरि बन्द भएको हो ।