काठमाडौँ । राष्ट्रिय स्वतन्त्र पार्टिका सभापति तथा सांसद रवि लामिछानेले चितवनका व्यवसायि शंकर कंडेल आत्महत्या प्रकरणमा आफु निरन्तर परिवारको सम्पर्कमा रहेको बताउनु भएको छ । आईतबार सामाजिक सञ्जालमा पोष्ट राख्दै उक्त विषयमा जानकारी दिनु भएको हो । गत बैशाख १९ गते कंडेल झुण्डिएको अवस्थामा फेला पर्नु भएको थियो । उहाँले सुसाईड नोट लेखेर हात्माहत्या गरेको प्रहरीले बताएको थियो ।
उक्त घट्नाका दोषिलाई पक्राउ नगरेको र कंडेललाई न्याय नदिएको भन्दै शंकर कंडेल न्यायिक समितिले चितवन बन्द नै गरेको थियो । प्रशाशन विरुद्द नाराबाजि गर्दै सामान तोडफोड समेत भएको थियो । उक्त विषयलाई लिएर चितवनका नव निर्वाचित सांसद लामिछानेले कंडेल आत्महत्या प्रकरणमा चासो देखाउनु पर्ने र चितवनका जनतालाई न्याय दिनु पर्ने आवाज पनि उठेको थियो । सोही विषयमा लामिछानेले आफु सत्य, न्याय र पीडितको पक्षमा रहेको बताउनु भएको छ । ‘चितवनका सफल व्यवसायी शंकर कंडेल आत्महत्या प्रकरणमा म परिवार सँग निरन्तर संवादमा छु, प्रशासन सँग निरन्तर समन्वयमा छु, अनुसन्धानमा कुनै कमी नहोस् भनेर निरन्तर खबरदारी गरीरहेको छु, घटनामा राजनीतिको रंग नपोतियोस् भनेर सचेत छु। म सत्य,न्याय र पीडितको पक्षमा छु। प्रहरी प्रशासनलाई घटनाको अनुसन्धानमा कसैले प्रभावित नपारोस् भनेर घच्घच्याइरहेको छु। आर्थिक समस्यासँग लडिरहेको चितवनमा बन्द हड्ताल केही नहोस् भनेर संयम पुर्वक सबै घटनाक्रमलाई नजिक बाट नियाली रहेको छु। म जिम्मेवार जनप्रतिनिधिको भुमिका निरन्तर निर्वाह गरीरहेको छु। चितवनले एउटा असल मानिस गुमाएकोमा अत्यन्तै दुखी छु। परिवारलाई सहन सक्ने शक्ति मिलोस् भनी निरन्तर प्रार्थना गरिरहेको छु।’,उहाँले लेख्नु भएको छ ।
उक्त घट्नामा मुछिएका चार्टर अकाउन्टेन्ट जीवन रावललाई प्रहरीले पक्राउ गरिसकेको छ भने प्रदीप रुङ्गटा अहिलेसम्म फरार रहेका छन् ।
