अप्सरा धमला,काठमाडौँ । आविस्कार केन्द्रका अध्यक्ष महाविर पुनले स्वदेशमै भएको यात्री मोटरबाईकलाई लिएर गर्ने भनिएको आन्दोलनमा धरानका मेयर हर्क साम्पाङले ऐकेबद्दता जनाउनु भएको छ । उहाँले आफ्नो फेसबुकमा भिडियो अपलोड गर्दै महाविर पुनको आन्दोलनलाई सघाउने जानकारी दिनु भएको हो ।
नेपालमा नै उत्पादन भएको यात्री नामको मोटरबाईक अहिलेसम्म दर्ता हुन सकेको छैन । स्वदेशी उत्पादनमा सरकारले बेवास्ता गरेको भन्दै राष्ट्रिय आविष्कार केन्द्रका अध्यक्ष महाविर पुनले आन्दोलन गर्ने चेतावनि दिनु भएको छ । केही समय अघि कानुनको अभावमा यात्रि मोटरबाईक दर्ता नभएपछि ट्राफिक प्रहरीले नम्बर प्लेट नराखेका मोटरबाईक नियन्त्रणमा लियो । दर्ता नभए पछि समस्यामा परेको कम्पनिले विगत ८ महिना यता यात्रिको उत्पादन गरेको छैन ।
सवारी दर्ताका लागि निकै ठाँउ धाएपनि कम्पनिले न्याय भने पाएको छैन । आफ्नै च्यासिस बनाउने देखी सडक पास गरेको यात्रिले साधनको सवारी पहिचान नम्बर (भीआईएन) का लागि नेपालमा सुविधा नभए पछि अमेरिकाको एसएईमा निवेदन दियो । त्यसपछि मोटरबाईकले प्रत्यक च्यासिसका लागि ट्रस गर्न सकिने भएपछि मौलिक भीआईएन तयार पार्न आईएसओ ३७८० सहितको स्वीकृति पायो र बाईकमा मौलिक मोटर नम्बर राखेको छ ।
सरकारले विद्युत खपतमा बढावा दिने रणनिती ल्याएर विद्युतिय सवारीको आयात बढेको समयमा स्वदेशी उत्पादनलाई भने नजरअन्दाज गरेको भन्दै आलोचना भएपछि प्रधानमन्त्रि प्रचण्डले यात्रिको निर्माण टिमलाई भेट्नु भयो । केहीदिन अघि वालुवाटारमा यात्रि निर्माण टिमलाई बोलाएर यात्रि लगाएत स्वदेशी उत्पादन र नया उत्पादनलाई प्रोत्साहन गर्न विद्यमान कानुनी समस्या समाधानको प्रक्रिया तत्काल थाल्न निर्देशन पनि दिनु भयो । तर प्रधानमन्त्रिको यो निर्देशनले कस्तो प्रतिफल दिने हो प्रष्ट हुनै बाँकि छ ।
यता यात्रिको विषयलाई लिएर जनआक्रोश बढ्दो छ । मेयर हर्क साम्पाङले स्वदेशी उत्पादनलाई बजार देउ आएम विथ महाविर पुन लेखिएको प्ले कार्ड लिएर आन्दोलन सघाउने घोषणा गर्नु भयो । उहाँले नितीगत र आर्थिक रुपमा चलखेल गरेर स्वदेशी उत्पादनलाई बढावा नदिएको आरोप लगाउनु भयो । उहाँले स्वदेशी उत्पादनमा प्रोत्साहन दिने खाले कानुनको निर्माण गर्न पनि आग्रह गर्नु भएको छ ।
