काठमाडौं । जापानी प्रविधि र अवधारणामा आधारित लोकप्रिय ब्रान्ड सेन्सेइले नयाँ वर्ष २०८३ को सुखद उपलक्ष्यमा आफ्ना ग्राहकहरूका लागि ‘सेन्सेइ किनिन्छ, हिरो स्प्लेन्डर प्लस चढिन्छ’ नामक आकर्षक उपभोक्ता योजना सार्वजनिक गरेको छ ।
दैनिक जीवनलाई थप सहज र आधुनिक बनाउने घरायसी उपकरणहरूसँगै ग्राहकहरूलाई विशेष लाभ र उत्साह प्रदान गर्ने उद्देश्यले यो योजना ल्याइएको कम्पनीले जनाएको छ ।
चौधरी समूह अन्तर्गतको सीजी इलेक्ट्रोनिक्समार्फत नेपाली बजारमा उपलब्ध यस ब्रान्डले नयाँ वर्षको अवसरमा ग्राहकहरूलाई विभिन्न उपहार र सुविधाको संगम पस्किएको छ । यस विशेष योजनाअन्तर्गत ग्राहकहरूले सेन्सेइका विभिन्न होम एप्लायन्सेसहरूको खरिदमा २८,७०० रुपैयाँसम्मको तत्काल नगद फिर्ता (इन्स्ट्यान्ट क्यासब्याक) प्राप्त गर्न सक्नेछन् ।
नगद छुटका अतिरिक्त कम्पनीले उत्पादन अनुसार पक्का उपहारहरूको पनि व्यवस्था गरेको छ । जसअनुसार फ्रन्ट लोड वाशिङ मेसिन खरिद गर्ने ग्राहकले ६ केजी एरियल पाउडर र सेमि–अटोमेटिक वाशिङ मेसिन खरिद गर्नेले १ केजी एरियल पाउडर प्राप्त गर्नेछन् । त्यसैगरी, गर्मी मौसमलाई मध्यनजर गर्दै एयर कन्डिसनर (एसी) खरिद गर्ने ग्राहकहरूका लागि कम्पनीले निःशुल्क जडान (फ्री इन्स्टलेसन) सुविधा उपलब्ध गराउने भएको छ ।
यस अभियानको सबैभन्दा ठूलो र मुख्य आकर्षण भनेको बम्पर उपहारमा रहेको हिरो स्प्लेन्डर प्लस मोटरसाइकल हो । योजनामा सहभागी हुनका लागि ग्राहकहरूले सामान खरिद गरेपछि त्यहाँ उपलब्ध क्यूआर कोड स्क्यान गरी आफ्नो विवरण दर्ता गर्नुपर्नेछ । यसरी प्रक्रिया पूरा गर्ने ग्राहकहरूमध्येबाट लक्की ड्रमार्फत एकजना भाग्यशाली विजेता छनोट गरिनेछ, जसले बम्पर उपहारको रूपमा नयाँ मोटरसाइकल प्राप्त गर्ने अवसर पाउनेछन् । यसले गर्दा ग्राहकहरूले घरायसी सामान खरिद गर्दा केवल उपकरण मात्र नभई नयाँ सवारी साधन समेत जित्न सक्ने सम्भावना रहनेछ ।
सेन्सेइ ब्रान्डले नेपाली बजारमा रेफ्रिजेरेटर, एसी, वाशिङ मेसिन, एयर कुलर, भ्याकुम क्लिनर, चेस्ट फ्रिजर र एलईडी टिभी जस्ता विभिन्न उत्पादनहरू उपलब्ध गराउँदै आएको छ । जापानी इन्जिनियरिङमा आधारित डिजाइन, उच्च टिकाउपन र किफायती मूल्यका कारण सेन्सेइले छोटो समयमै नेपाली उपभोक्तामाझ एक विश्वासिलो ब्रान्डको पहिचान बनाएको छ ।
देशभर रहेका सीजी इलेक्ट्रोनिक्सका शोरूम तथा आधिकारिक डिलर नेटवर्कमार्फत यो योजनाको लाभ उठाउन सकिनेछ । कम्पनीले यस योजनामार्फत ग्राहकहरूलाई भरपर्दो खरिद अनुभव प्रदान गर्ने विश्वास व्यक्त गरेको छ भने यसमा केही सर्तहरू लागू हुने जानकारी समेत दिएको छ ।
