माघ १९,काठमाण्डौ। आगामी फाल्गुन २१ को निर्वाचनमा दलहरुबीच सरगर्मी बढेसंगै उम्मेदवारहरुबीच चुनाबी प्रतिस्पर्धा तातेको छ। दलका नेताहरुले आ-आफ्नो चुनाबी तयारि अघि सारेसंगै निर्वाचन क्षेत्र प्रतिस्पर्धीमय बनेको छ। काठमाण्डौ क्षेत्र नम्बर १ मा पनि एमाले,कांग्रेश,नेकपा,उनेपा,रास्वपा लगायत अन्य दलहरुका उम्मेदवारहरु तम्तायारिमा देखिएका छन।
निर्वाचनको माहोलमा देखिएका नेताहरु एकले अर्कोलाई पछार्ने दाउमा छन। नया उम्मेदवार,नया पार्टीसंगै काठमाण्डौ क्षेत्र नम्बर १ मा आफ्नो पकड जमाउन कुलमान घिसिङ्ग नेतृत्वको उज्यालो नेपाल पार्टीले फड्को मार्ने सम्भावना बलियो देखिएको छ। आलोचकहरुले उनेपाबाट सिफारिस भएका मंगललाल श्रेष्ठ-जो लामो समय इञ्जिनियरिङ्ग पेशामा रहेर सक्रिय राजनीतिमा आएका व्यक्ति हुन्,उनै श्रेष्ठलाई यो निर्वाचन जिताएर केन्द्रिय राजनीतिमा उठाउनुपर्ने बताइरहेका छन। मंगललाल श्रेष्ठसंग चुनाबी प्रतिस्पर्धामा रास्वपाबाट रन्जु दर्शना,मेनका भण्डारी नेकपाबाट,एमालेबाट मोहन राज रेग्मी लगायतका उम्मेदवारहरु प्रतिस्पर्धी देखिएका छन। राप्रपाबाट चर्चित अनुहार रबिन्द्र मिश्र दाबेदार छन।
यस्तै सो क्षेत्रमा कांग्रेशले भने आफ्नो उम्मेदवार टुङ्ग्यान सकेको छैन। उक्त क्षेत्रमा सबै नया व्यक्तिहरु मात्र प्रतिस्पर्धी रहेकाले उनेपाका उम्मेदवार मंगललाल श्रेष्ठले मौका पाउने सम्भावना बढेको पाइएको छ। श्रेष्ठ बिगत ३४ वर्षदेखि इन्जिनियरिङ्ग पेशामा रहेर जनतासंग नजिक रहेका र समाजसेवामा उल्लेखनिय भूमिका खेलिसकेका व्यक्ति हुन्। काठामाण्डौ क्षेत्र नम्बर १ मा नेताहरु पूर्ण तयारिमा भएपछि राजनीतिक वृत्त नै फराकिलो बनेको छ।
