आज दिउँसो १ देखि ४ बजेसम्म भैरहवाको होटल रामदामा बैठक बस्ने तयारी गरेको महामन्त्री कविन्द्र बुर्लाकोटीले बताए। ठकका लागि कार्यवाहक सभापति डोलप्रसाद अर्याल, उपसभापति स्वर्णिम वाग्ले र बुर्लाकोटी मंगलबार भैरहवा पुगेका छन् । भने, अरु सांसद तथा नेताहरु पनि भैरहवा लागेका छन् । केही पार्टीको अत्यावश्यक र व्यक्तिगत कामबाहेक पदाधिकारी र सांसद बैठकमा सहभागी हुने जनाइएकाे छ ।
‘रुपन्देहीमै संसदीय दलको बैठक बस्नुमा पार्टीको गतिविधिलाई सक्रिय बनाउनु हो’, बुर्लाकोटीले भने, ‘रुपन्देहीकै कारागारमा सभापति रवि लामिछाने पुर्पपक्षका लागि थुनामा हुनुहुन्छ, उहाँलाई हामी सँगैछौँ भन्ने सन्देशको लागि पनि यो कार्यक्रमको आयोजना गरिएको हो ।’
बैठकले रुपन्देहीमा पार्टीका गतिविधिलाई तीव्र बनाउने तयारी गर्नेछ । नजिकिँदै गरेको उपनिर्वाचन लक्षित गतिविधिलाई बढाउने पार्टीको योजना रहेको बुर्लाकोटीले जानकारी दिए ।
उनका अनुसार रुपेन्देही– ३ मा हुन लागेको उपनिर्वाचनका लागि उमेदवार आव्हान भएको छ । जसका लागि इच्छुक उमेदवारले आवेदन दिने क्रम जारी छ । पार्टीको विधिअनुसार ती नामहरूलाई ‘सर्ट लिस्ट’ गरेपछि प्रारम्भिक मतदानमार्फत् उमेदवार छनौट गरिनेछ ।
यसबाहेक रास्वपाका नेताहरुले केही राजनीतिक भेटघाट गर्ने छन् । त्यस्तै पार्टीको राष्ट्रिय कार्यक्रमअन्तर्गत हस्ताक्षर अभियानमा पनि नेताहरु सहभागी हुने कार्य तालिका बनेको छ ।
