काठमाडौं। राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानेन्द्र शाहीले सहकारी घोटालाका आरोपी जीबी राईलाई पक्राउ गर्न नसकेको भन्दै सरकारलाई आलोचना गरेका छन् ।

Advertisement

शाहीले फेसबुकमार्फत सरकारलाई चुनौती दिँदै भनेका छन्,“पहिले जीबी राईलाई पक्रेर देखाऊ, त्यसपछि मात्र देश चलाउने कुरा गर।” तीनपटक गृहमन्त्री फेर्दासमेत पीडितले न्याय नपाउनु सरकारको नालायकीपनको प्रमाण भएको उनले लेखेका छन्।

“सडकमा पसिना बगाएर मकै पोलेर, साग बेचेर जम्मा गरेको गरीब जनताको पैसा लुट्ने जीबी राईलाई अहिले पनि सरकारले कारबाही गर्न सकेको छैन,” उनले भने, “अनि जनताले तिमीहरूलाई पत्याउनुपर्ने होरु”

शाहीको भनाइमा सरकार गफ गरेर होइन, पीडितलाई न्याय दिएरै विश्वसनीय बन्न सक्छ।