काठमाडौं। नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले पार्टीले गरेका निर्णय व्यवहारमा लागू गराउन बेवास्ता गर्ने प्रवृत्ति बढ्न थालेको भन्दै चिन्ता व्यक्त गरेका छ्न् । काठमाडौंको एक कार्यक्रममा उनले पार्टीमा भएको हुनाले यसोउसो क्रान्तिकारी कुरा गर्ने तर, ध्यान चाहिँ पद र कमाउनेतिर हुने देखिन थालेको बताएका हुन् ।
उनले भने,‘पार्टीमा दुईटा प्रवृत्ति एउटा पार्टीको निष्कर्ष सही छ त्यसलाई व्यवहारमा लागू गर्नुपर्छ भन्ने र इतिहासले सुम्पेको जिम्मेवारी पूरा गर्नुपर्छ भन्ने प्रवृत्ति । अर्को प्रस्ताव पारित गर्दासम्म सहमति जनाउने तर, लागू गराउन वास्ता नगर्ने ।अब त पार्टीमा जे पद पाइन्छ त्यो हेर्ने अलि सुविधा र सम्पन्न हुन कसरी कमाउन सकिन्छ त्यो गर्ने । पार्टीमा भएको हुनाले यसोउसो क्रान्तिकारी कुरा गरिराख्ने काम चाहिँ यही गर्ने हो भन्ने प्रवृत्ति यथास्थितिवादी प्रवृत्ति बढ्यो । सबै मिलेर आफूलाई पनि फेर्ने पहिले र गैरपार्टी प्रवृत्ति फेरेर रुपान्तरण अभियान सफल पारौं’, उनले जोड दिए ।’
पार्टीलाई नेतृत्व गर्ने ठाउँमा पुर्याउन पर्ने, सामाजिक समृद्धिको लक्ष्यमा पुर्याउनुपर्छ । समाजवादको आधार तयार पार्नुपर्छ भन्ने लाइन पारित गरेर अहिले कहाँ अहिले लागू गर्न सकिन्छ र ? भन्ने प्रवृत्ति देखिएको उनको टिप्पणी थियो ।
