पुन: कांग्रेसको निष्कर्ष ‘मुद्दा नपरुन्जेल गृहमन्त्रीले राजीनामा दिनुपर्दैन’

काठमाडौं। नेपाली कांग्रेसले भिजिट भिसा प्रकरणमा जोडिएका गृहमन्त्री रमेश लेखकले राजीनामा दिनु नपर्ने कुरा दोहोर्‍याएको छ।

पार्टी सभापति शेरबहादुर देउवा निवासमा बसेको पदाधिकारी बैठकले कुनै मुद्दा नै नपरेकाले राजीनामा दिनु नपर्ने निष्कर्ष निकालेको पार्टी प्रवक्ता डा. प्रकाशशरण महतले बताएक हुन् ।

उनले भने, ‘मन्त्रीमाथि अख्तियारले आरोप लगाएका छैन। आरोप लागेको कर्मचारीमाथि छानबिन भइरहेको छ। उहाँमाथि छानबिन, आरोप नै नभई राजीनामा दिनुपर्छ भन्ने माग चाहिँ उपयुक्त भएन। हिजो रवि लामिछानेको विषयमा प्रमाणसहित आउँदा पनि हामीले राजीनामाको सट्टा छानबिन समिति माग गरेका हौँ। सीधा आरोप थियो।’