काठमाडौं । वृद्ध भत्ताको उमेर ७० वर्ष नै बनाइने भएको छ । वृद्ध भत्ताको उमेर ७० वर्ष बनाइने आर्थिक सुधार कार्यान्वयन कार्ययोजनामा उल्लेख गरिएको छ ।

Advertisement

सरकारले अहिले ६८ वर्ष उमेर पुगेका सबै ज्येष्ठ नागरिकलाई मासिक चार हजार रूपैयाँ भत्ता उपलब्ध गराउँदै आएको छ ।

दलित ज्येष्ठ नागरिक, साविक कर्णाली क्षेत्र, विधवा, सम्बन्धविच्छेद वा विवाह नगरेकी एकल महिलाको हकमा ६० वर्ष मा भत्ता दिइँदै आएको छ । त्यस्तै लोपोन्मुख आदिवासी जनजाति, पूर्ण तथा अति अशक्त अपाङ्गतालाई पनि मासिक भत्ता दिइन्छ ।

त्यस्तै,भत्ताका लागि राष्ट्रिय परिचयपत्र पनि अनिवार्य गरिने कार्ययोजना ल्याइने छ । यसको कार्यान्वयनको समय सीमा एक वर्ष तोकिएको छ । योगदानमा आधारित सामाजिक सुरक्षाको दायरा फराकिलो बनाइने समेत कार्ययोजनामा उल्लेख गरिएको छ ।