जबर्जस्तीकरणी आरोप लागेपछि जेलको शौचालयमा झुण्डिएको अवस्थामा थुनुवा मृत भेटिए

जाजरकोट । जाजरकोट कारागारमा थुनामा रहेका एक युवक झुण्डिएकाे अवस्थामा मृत भेटिएका छन् ।

भेरी नगरपालिका-१० का २६ वर्षीय दीपक बुढाले आइतबार बिहान कारागारको शौचालयमा झुन्डिएर आत्महत्या गरेका हुन् । जिल्ला प्रहरी कार्यालय जाजरकोटका प्रहरी नायब उपरीक्षक (डीएसपी) बसन्त प्रशाद शर्माका अनुसार उनी जबर्जस्ती करणी आरोपमा २०८१ चैत ५ गतेदेखि पुर्पक्षका लागि थुनामा राखिएका थिए ।

मुद्दाको फैसला आउनुअघि नै उनले आत्महत्या गरेका हुन् । घटनाको विस्तृत अनुसन्धान भइरहेको छ डीएसपी शर्माले भने, ‘मुचुल्का उठाउने र प्रमाण संकलनको काम भइरहेको छ ।’