बाजुरा। बाजुराको बडीमालिका क्याम्पसमा कार्यरत सहप्राध्यापक नरेन्द्र थापा मृत फेला परेका छन्। जिल्लाको बुढीगंगा नगरपालिका–६ सायल घर भएका ३८ वर्षीय थापा बुधवार साँझ सोही वडामा पर्ने साँफे–मार्तडी सडकखण्डमा मृत अवस्थामा फेला परेका हुन्।
Advertisement
जिल्ला प्रहरी कार्यालय बाजुराका प्रवक्ता प्रहरी निरीक्षक जनकबहादुर बोहराले थापाको आँखा, टाउको र मुखमा चोट लागेको अवस्था रहेको जानकारी दिए। घटनाको प्रकृति शंकास्पद देखिएकाले थप अनुसन्धान थालिएको प्रहरीले जनाएको छ।
मृतक थापाको शवलाई पोस्टमार्टमका लागि जिल्ला अस्पताल मार्तडीमा लगिएको छ। परिवारजन र स्थानीयवासीहरूले घटनामा गम्भीर आशंका व्यक्त गर्दै निष्पक्ष र छिटो अनुसन्धानको माग गरेका छन्।
