धरान उपमहानगरपालिकाका मेयर हर्क साम्पाङ विवादमा तानिएका छन्। हर्क साम्पाङ,धरानको स्थानीय राजनीति र नेपालको सामाजिक संजालमा निकै चर्चित नाम हो। नानाभाती बोलेर वा फेसबुकमा रंगीबिरंगी खालका भिडियो,पोस्ट, एवं स्टाटस लेखेर सामाजिक संजालमा चर्चित विवादमा तानिनु ठुलो कुरा भने हैन । उनी लगातार जनप्रतिनिधिसँग असहमत, वडाध्यक्षहरुलाई मान्छे नगन्ने प्रवृति ले पछिल्लो समय विवादमा घरिघरि आउने गरेका छन्। यस पटकको विवाद को शैली अलि फरक छ जैले मुख छाडेर फेसबुकमा स्टाटस लेखेर विवादमा तानिरहन्थे यसपाली भने मुख छाडेर हैन हात छोडेर नै विवादमा आएका छन्।
साम्पाङ्गलाइ विवाद प्यारो हो या विवादलाई साम्पाङ्ग प्यारो हो यो त् यसै भन्न सकिन्न तर पनि उनि विवाद मा उल्झिरहन्छन।
यसपटक उनी धरान–११ स्थित नगरकोट–बानडाँडा सडक स्तरोन्नतिको विषयमा स्थानीय माओवादी कार्यकर्ता सन्तोष लिम्बूसँगको भनाभन र हातपातको घटनाका कारण उच्च चर्चामा आएका हुन्।
नगरकोट–बानडाँडा सडकको स्तरोन्नतिका लागि प्रदेश सरकारले चालु आर्थिक वर्षमा २० लाख रुपैयाँ बजेट विनियोजन गरेको थियो। तर बजेट अपुग भएकाले सडकको माथिल्लो क्षेत्र मात्र निर्माण गर्ने निर्णय भएपछि स्थानीयबासीबीच विवाद उत्पन्न भएको थियो। सो विवाद मिलाउन भन्दै मेयर साम्पाङ्गले निर्माण स्थलमै पुगेर विवाद सम्बन्धि छलफल गरौ भनेका थिए। सोमबार आउनुने भनेकामेयर साम्पाङ्ग मङ्गलबार मात्रै विवादित स्थलमा पुगे। साम्पाङ्गले तपाइको वडा सदस्य जत्तिको पनि हैसियत छैन के फुइ लाउनु हुन्छ भन्दै ’ भन्दै सार्वजनिक रुपमा अपमान र तथानाम गालीगलौज गरेको भिडियो अहिले सामाजिक संजालमा धमाधाम भाइरल भईरहेको छ ।
छलफलका क्रममा टोल विकास संस्थाका अध्यक्ष सन्तोष लिम्बूसँग उनको सामान्य भनाभन भयो । भनाभन सामान्य,सामान्य मात्र रहेन । सामान्य भनाभनले असामान्य भएर हानाहान को रुप लियो। त्यसपछि मेयर साम्पाङ्गका समर्थक, विशेषगरी ‘चङ्खे’ भनेर चिनिने जोन लिम्बूले सन्तोषमाथि कुटपिट प्रयास गरेका थिए। विवादको क्रममा नगरप्रमुख साम्पाङ र वडा नम्बर ११ का अध्यक्ष लोकेन्द्र फागो पनि उपस्थित थिए, तर कोहिबाट कुटपिट रोक्न कुनै प्रयास नभएको सन्तोष लिम्बूको आरोप छ। अहिले लिम्बूले मेयर साम्पाङसहित वडाध्यक्ष फागो र समर्थक जोन लिम्बूविरुद्ध धरान प्रहरीमा ‘अभद्र व्यवहार र आक्रमण प्रयास’ को कसुरमा मुद्दा दर्ता गराएका छन्। उनले भने, “मेयरकै आँखाअगाडि ममाथि हातपातको प्रयास लछारपछार भयो, तर कसैले केहि प्रतिक्रिया नजनाएको भन्दै म कानुनी बाटो रोज्न बाध्य भएको लिम्बु बताउछ्न। अहिले भने लिम्बुले साम्पाङसहित धरान ११ का वडाध्यक्ष लोकेन्द्र फागो, धरान ११ का चङ्खे भन्ने जोन लिम्बू विरुद्ध अभद्र व्यवहारको कसुरमा मुद्दा हालेका हुन् ।
यसभन्दा अघि साम्पाङले भरतपुर महानगरपालिकाकी प्रमुख रेनु दाहालको आलोचना गरेका थिए। दाहालले आफूलाई ठुला योजना सञ्चालन गर्न सुझाव दिदा साम्पाङ सामाजिक सञ्जालमा अरिंगालको गोलो खानी झैँ रेणु माथि खनिएका थिए । उनले ”रेनुजी तपाईँको बाऊ प्रधानमन्त्री हुँदा सप्तकोशीको पानी ल्याउन पैसा मागेको २० लाख मात्रै छुट्याइदियो त मैले के गर्ने”?’भन्दै साम्पाङले नेकपा माओवादी केन्द्रलाई सामन्त र दलाल, पुँजीवादीहरूको पार्टी बनिसकेको आरोप लाउदै तपाइको बाउ ठिक रैनछ भनेर पुर्व प्रधानमन्त्रि प्रचण्डलाई ठाडो अभिव्यक्ति दिएका थिए । माओवादसँग कुण्डली नमिल्ने साम्पाङ्ग ले माओ वादी मै आवद्ध सन्तोष लिम्बू माथि कुट पिट गर्न उक्साउनु माओवादीसँगको पूर्वाग्रही रिस त हैन भनेर पनि प्रश्न उठेको छ।
