पोखरा सूर्यदर्शन सहकारीको रकम अपचलन मुद्दाका राष्ट्रिय स्वतन्त्र पार्टीका निलम्बित सभापति रवि लामिछानेसमेत रहेको सहकारी अपचलनको मुद्दामा न्यायाधीशसँगको बयान अन्तिम चरणमा पुगेको छ ।
हालसम्म ६ जनाको बयान सकिएको र प्रतिवादी आरती गुरुङसँग बयान चलिरहेको अदालतले जनाएको छ ।
लामिछानेसँगै पूर्व डीआईजी छविलाल जोशी, जीबी राईका पार्टनर लिला पछाई,रामबहादुर खनाल,पूर्व सांसद मीना गुरुङ र कृष्णबहादुर गुरुङसँग यसअघि नै बयान सकिएको हो ।
आरतीसँग बयान सकेर आजै थुनछेक बहस सुरु हुने जानकारी दिए ।
बयान अन्तिम चरणमा पुगेको छ । सम्भवतः आजै थुनछेक बहस सुरु हुनेछ,उनले भने । यो मुद्दा न्यायाधीश नितिज राईको इजलासमा परेको छ । सहकारी ठगी आरोपमा पक्राउ परेकाहरूलाई सम्पत्ति शुद्धीकरण र सङ्गठित अपराध मुद्दा पनि थपिएको छ । प्रतिवादीहरू सबैलाई जिल्ला अदालत कास्कीमा उपस्थित गराइएको छ ।
